Ka uitshi-atussemituht pakushenitamuat tshetshi uauitshiaushiniti nenua kiashtaukuniti  anite nenu utenat, aishinakuannit assinu mak peiku assi e uitakanit ute Kanata. Anitshenat ka tshitshipanitaht atusseunnu uitshi-atussemeuat anite ka ishi-taniti mak nenua ka ishi-atusseniti pakassiunit anite nenua utenaua tshetshi ut pushipannannut mak aiatshinanut nenua atusseuna ua pitshitshipanitakaniti.

Tshetshi ne tutakaniti, mitshena atusseuakana ka tutakaniti, uetshenat ka tutahk tshe uitshi-atussemakaniht tshetshi ut minu-kanieupanit anite ne utenau mak tshetshi nanitamipaniti uauitamatsheuna nenua e uitakaniti atusseuna. Uetshenat e uinakaniht, ume tshe takuak tshe tshimanakanit mamuitun tshe nashahk nenu atusseunnu mak mamuitun tshe amatshuepanitaht pakassiunnu, ashit nenua atusseutshuapa ka kanuenitaminiti anite nenu utenanu, etatu tshetshi minutakanit tshissinuaimatsheun e uitakanit nenua atusseutshuapa mak eshi-patshitinakanit atusseun anite ne aishinakuak assi anite eshi-taht kaitusseht, kie kutak tshekuan.

 

Anitshenat uatshi-atussemituht umenua nikan ui ashtauat :

  • tshetshi nanitam takuak tshetshi aimitunanut ashit anitshenat ka uitshi-atussemituht;
  • tshetshi takuak ishpitenitamun mak tshetshi shapu-nukuak tshetshi ut pitshitshipanit tshetshi minu-aimitunanut ashit anitshenat ka pitutepaniht;
  • kaimitunanut mak ka uitshi-atussemitunanut ashit ukupaniema ka uinakaniht mak ka ishpishiht tshetshi uitshi-atussemaht nenu ka tutaminiti atusseunnu.

Mamuitun tshe nashahk nenu atusseunnu

Utatusseunnuau

Mamuitun tshe nashahk nenu atusseunnu eshinakuannit utatusseunnuau tshe ishi-tshimatakannit mak tshe ishi-utinakanit assi anitshenat ut Apuiat. E minu-uitakanit, anitshenat anite ka taht mamuitunit natuenitamuakanuat tshetshi tshitapatahk mak tshetshi uauitahk kassinu tshe aishinakuak ne assi e uinakaniht apuiat, miam ne pakassiun tshe ishpanit, tshe ishpaniuet ne tshe tshimatakanit anite ne aishinakuak assi, mak tshe pitutepanit mak tshe ishi-atushkatet kassinu tshe ishi-kukuetshimunanut mak tshe ishi-patshitinakaniti aimuna ne e uitakanit atusseun.

Mamuitun tshe nashahk nenu atusseunnu eukuan tshe itapatshiakaniht tshetshi patshitinahk uauitamatsheunnu nenua ka pimipanitaniti atusseunnu mak innua. Ne tshe ishi-aimitunanut eukuan tshetshi ishi-minupanitunanut tshe ishpish tutakanit ne atusseun, tshe utinakanit assi anite tshe taht Apuiat.

 

Tshe ishi-pimutenanut

Mamuitun tshe nashahk nenu atusseunnu anutshish ute tshika tshishkutamuakanuat, tshika natshishkatuat katshi nanishupishimua tuiet ne tshitshipannanut atusseun nuash e pimipanitakanit ne atusseun. Ne tshe natshishkatunanut tshika ishinakutakanu kakataku pepuki. Eku anite natshe, ne mamuitun nishtuau peikupipuna tshe natshishkatuht nemenua nishtupipuna ushkat tshe tutakanit ne atusseun. Nanitam tshika ueueshi-tshitapatakanu tshe ishi-natshishkatunanut, ishpish ui apashtakanit tshetshi natshishkatunanut iapit e tshitapatakanit ne atusseun.

 

Auenitshenat tshe taht anite mamuitunit

Anite mamuitunit, utshenat tshe taht tatipan ka ishi-mamuituht : ka uitshi-atussemituht (innuat, Boralex mak RES), ka itishauakaniht anite ut utenat, atusseutshuapa anite ne aishinakuak assi mak innuat.

 

Tshetshi katshitinakaniht anitshenat miamuituht niashak nenu atusseunnu
1 844 363-6493

Tshe ishi-patshitinakanit shuniau mak tshe ishi-uauitshiuashinanut

Tshe ishi-patshitinakanit auen natuenitak tshetshi uitshiakanit shuniat kie ma tshetshi uauitshiakanit

Kutshipanitekui atusseun kie ma peiku atusseutshuap ishinakuanniti utatusseun anite mamu ka tanannut innit mak nanatuapatamekui shuniau, anitshenat ka uitshi-atussemituht tshika minuenitamuat tshetshi minu-tshitapatahk ne eshi-natuenitameku ashit e tshitapatakanit e nashakanit tshe ishi-patshitinakanit shuniau mak tshe ishi-uauitshiakanit auen mak anu anitshenat tshika tshitapatakannua nenua atusseuna anite menupaniueniti tshetshi ushkat pimipanitakanniti.

Tshitatusseunnuau kie ma tshitatusseutshuapuau ishinakuaki tshetshi pimipanit anite e tshitapatakanit mamu ka tananut kie pakushenitamekui tshetshi patshitinamuiat ne eshi-natuenitamekui ? Itishaimunan ute etashtet info@apuiat.com.

Kueshte nika patshitinenan aimun kassinu nenua papeiku ka itishaimakauiat anite e takuashit neu nuash kutuasht tatuminashtakana. Kassinu eshi-natuenitakanit shuniau kie ma tshetshi uauitshiakanit auen umenua tshika ui takuan :

  • Utishinikashun auen, etashtenit anite epit mak mak etashtenit anite etat atusseutshuapit
  • Utishinikashun, anite epit mak ukaiminanunim ne netuenitak tshetshi uitshiakanit
  • Eshinikatet ne tshekuan ua tutameku
  • Ishpish tshishtuakanit ne tshekuan ua tutameku
  • Tanite ne ua tutakanit tshekuan (aishinakuak assi, Kanata-assit kie ma eshpitashkamikat)
  • Etashiht anite auenitshenat ne ua tutakanit tshekuan kie ma tshipa itashuat auenitshenat
  • Mamu ka tananut mak e ashuapamakaniht anite anitshenat tshipa katshitaukuht nenu atusseunnu
  • Tsheku-atusseutshuap tshe kanieupannit (tshek tati)
  • Eshpishat shuniau netuenitakanit
  • Eshinakuak eshi-uapatakanit kie tshipa ishi-kanieupannu anitshenat ka uitshi-atussemakaniht tshe mamuituht anite ne tshekuan ua tutakanit
  • Atusseutshuap eshinikatet tshe mashinatuakanit shuniau-mashinaikanuin tutakaniti miam ishinakuanniti katshitinaki nenu ka natuenitak tshetshi uitshiakanit

NETUENITAKANIT SHUNIAU KIE MA UAUITSHIAIUSHIUN