-
Tanite uetshipanit ne atusseun ?
- Innuat pakushenitamupanat tshetshi tshimataht nenu atusseunnu kashutshishimakannit eka nita ka ishkuapannit tshetshi ut mishituepanitaht utassiuau tshetshi ut nanitam takuannit mak nanitam pimutemakannit.
- Pishimuss 2015, Uepishtikueiau-tshishe-utshimau uitamupan tshe taniti nenua tshe uitshi-atussemituniti ashit Innua tshetshi ut tshishtapanitakanit ne eshkushtet 200 MW ka ishkupanit ka atushkatakanit ne kashutshishimakak 2006-2015.
- Uenuipanit ne tipatshimun, Innuat ekue nanatuapamaht auennua tshipa atusseshtakuat, eukuan ue Boralex ekue utinakanit.
- Boralex ekue mamuit ashit uenua Eshi-pimipanitaniti kashutshishimakannit eka nita ka ishkuapannit ute Kanata (RES) tshetshi ut uitshiaiushit ka ishi-uapatahk kie ka ishi-tshissenitahk nenu tatipan utatusseunnuau anite ne ua pitshitshipanitakaniti atusseuna kashutshishimakak eka nita ka ishkuapannit.
-
Tan tshe ishpaniuet anite ne uashka e tshitapatakanit ?
Ne e tshitapatakanit atusseun kashutshishimakak eka nita tshe ishkuapanit, apuiat apu apashtahk piminu tshetshi ut kanuenitahk nenu katshishitenit. Ne atusseun ushkat ui tutakanipan ne e tshitapatakanit uashka assi aishinakuak mak mitshet tshekuana e tshitapatakaniti tshetshi ut eka mishta-ishpaniuet anite ne uashka assi e tshitapatakanit.
-
Auen ne Boralex ?
Boralex pitshitshipanitau, tshimatau mak utinamu assia anite tshe tutakanniti kashutshishimakaki ekak nita ka ishkuapaniti ute Kanata-assit, Tshishe-Mishtikushiu-assit mak Upashtuneu-assit. Peiku ne ka nikanitet ne atusseun e tshitapatakanit ute Kanata-assit mak ne ushkat etat tipan etusseshtak apuia assit anite Tshishe-Mishtikushiu-assit, Ka mamuituht minu-uapamakanu ishpish shukatenitakuannit eshi-tshissenitak tshe ishi-utinak nenu ushkat tshe tshitshipannannut atusseunnu anite neuait e tutakanit kashutshishimakak - apui, nanimissiu-ishkuteu, ka amassepanit ka tshishitet mak ka takat mak pishimu. Boralex tepenimu tshetshi amatshuepanitat ishpish nenu nishtuapatak atusseunnu mak mitshetuait eshi-katshitinak tshekuannu shash nishunnuepipuna ashu patetat.
-
Auen ne RES ?
RES eukuan ne peiku ka nikanitet anite ne e pitshitshipanitakanit atusseun kashutshishimakak eka nita ka ishkuapaniti ute Mishta-Tshiuetinit, Akamitshikamit mak anite Assi-Tshiuenussit. RES amatshuepanitapan kie/kie ma tshimatapan nuash 10 GW kashutshishimakannit eka nita ishkuapannit ute eshpitashkamikanit mak ishpish uenutishit anu 1 GW atusseuna mekuat pemipaniti. Anite pemipanitat atusseuna eukuana umenua tekuaki, atusseuna e pitshitshipanitakaniti mak e tshimakaniti nenua atusseuna e uitakaniti apuiat mak pishimu e uinakanit, atusseuakan tshetshi ut pimipanit, anite tshe mautakanit kashutshishimakak mak tshe ueuetashuapatet tshe ishpish apashtakanit.
-
Tshekuan essishuemakak ne atusseun ?
Apuiat signifie : l’arbre dans lequel l’aviron est sculpté.