Atuseun Apuiat

Eshinakuak atusseun

Kassinu aishinniuht innuat uitamuat, e uitshi-atussemaht Boralex, tshetshi pitshitshipanitaht atusseunnu apuiat e uinakaniht 200 MW eshpishimakannit anite Nitassinan (innuat pet utaussiuau) kassinu aishinniuht innuat Uashat mak Mani-utenam ka taht, Tshiuetinit itetshe, Uepishtikueiau-assit, anite tekuaki nenua assia mamu ka tananut anite ne utenau Port-Cartier. Ne e tshitapatakanit eshi-uapatakanit kie tshematakanit, Boralex mamiu ashit Eshi-pimipanit kashutshishimak eka nita ka ishkuapanit ute Kanata (RES) tshetshi ut mamushtaht ka pet ishi-uapatahk mak tatipan eshi-pikutaht tshekuannu anite ne e pitshitshipannanutau nenua atusseuna kashutshishimakak kau tshe apashtakanit.

Tutakanipan e ishpitenitakannit innu uenutishiun ne e tshitapatakanit tshetshi nakatuenimakanit minashkuau mak nipi mak tshetshi shaputuepanit innu-aitun, ne atusseun tshika tshishtapanitau ne eshkushtet 200 MW eshkupanit ka ishi-atushkatet kashutshishimakak 2006-2015 anite ut Uepishtikueiau-tshishe-utshimat mak tshe patshitinakanit anite ne assi aishinakuak minekash tshetshi takuak ne kashutshishimakak e uashkamat, mak tshe ut mishta-kanieupapnniti innuat tshe katshitaukuht mak kauapashiht tshiuetiniti itetshe.

Ne assi apuiat tshe taht eukuan tshe ishinikatet Apuiat essishuemakak e innu-aiminanut, mishtikut apui ka ut tutuakanit.

 

E takuashit e uauitakanit ne atusseun

 

Uatakanit anite tshe takuak

Tshe takuak anite Nitassinan (innuat pet utassiuau) Ushkat Innuat ka taht ute Uashat mak Mani-utenam, ne atusseun tshe takuak anite nenua assia mamu ka tananut Utenau Port-Cartier, uiesh 40 km anite ut Utenau Port-Cartier mak 7 km anite ut Missikapit anite ne utenau aishinakuak assi (MRC) eshi-uitakanit anite Sept-Rivières.

E pakuenakanit ne atusseun iapit anite tshe takuak anite ne assi eshku eka iapashtakanit Muteshekau-shakaikan, anite itetshe tekuak MRC Sept-Rivières eshi-uitakanit.

Eukuan ushkat tshe takuak assi apuiat tshe taht ute Tshiuetinit. Ne assi mamushtau kassinu tshekuannu aitapatannit kie menupaniueniti tshetshi tshiminakaniht anitshenat apuiat anite nenu assinu.

Uatshi-atussemituht

Pishimuss 2015, Uepishtikueiau-tshishe-utshimau uitamupan tshe taniti uitshi-atussemakana ashit innua tshetshi ut tshishtapanitakanit ne eshkushtet 200 MW eshkupanit ua ishi-atushkatet kashutshishimakak 2006-2015.

Ne atusseun Apuiat Innuat nenu ka unuipanitaht. Papeiku anitshenat etashiht Uskhat Eshinniuht Innuat tapuetamupanat tshetshi upime ashtauaht utenaua mishkut uinuau Kassinu Innuat eshinniuht tshetshi minu-apashtaht.

Katshi nanatuapamaht auennua tshe uitshi-atussemikuht tipan ka taniti, Innuat ekue naushunaht Boralex tshetshi uitshi-atussemikuht tshetshi ut uauitshikuht mishue e tshitapatakanit ne eshinakuak atusseun. Tshetshi minu-tshishtapatakanit ne atusseun, Borralex ekue issishuet tshetshi mamuit ashit nenua RES anite e tshitshipannanut nenu atusseun, tshe ishi-uapatakanit mak tshe tshimatakanit tshetshi ut nukutaht eshi-pikutaht mak utshissenitamunnuau tatipan ne e tshitapatakanit eshinakuak atusseun.

Ne atusseun tshika pitshitshipanitakanu mamu anitshenat ka uitshi-atussemituht mak tshe uishatshemuht tshetshi uauitamuaht innua tshetshi ut minu-pitutepanitakanit ne ausseun anite mamu ka tanannut.

  1. Ute Uepishtikueiau-assit, kassinu eshinniuht innuat peikushteu itatuna innu-assia, muku nishuaush ute itetshe Tshiuetinit mak peiku Piekuakamit, mamu e atshimakaniht 18 000 innuat. Peikushinu utaimunnuau, innu-aimun, kie peikushinu utaitunnuau, innu-aitun, kie eshku nenua e nishuti inniuimakana.

    Kassinu eshinniuht innuat utshenat uinakanuat Uepishtikueiat e taht : Mashteuiatsh, Essipit, Pessamit, Uashat mak Mani-utenam, Ekuanitshit, Nutashkuan, Unamen-shipu, Pakua-shipu mak Matimekosh-Lac-John. Anite nenua innu-assia ka taht tapuetamupanat tshetshi uitshi-atussemituht tshetshi ut minu-tshishtakanit ne atusseun pakassiun e tshitapatakanit, iapit kie tshetshi  tshitapatakanit eshikapaunanut tshishe-utshimau-aitunit, mamu ka tananut mak aitun.

  2. Boralex pitshitshipanitau, tshimatau mak utinamu assia anite tshe tutakanniti kashutshishimakaki ekak nita ka ishkuapaniti ute Kanata-assit, Tshishe-Mishtikushiu-assit mak Upashtuneu-assit. Peiku ne ka nikanitet ne atusseun e tshitapatakanit ute Kanata-assit mak ne ushkat etat tipan etusseshtak apuia assit anite Tshishe-Mishtikushiu-assit, Ka mamuituht minu-uapamakanu ishpish shukatenitakuannit eshi-tshissenitak tshe ishi-utinak nenu ushkat tshe tshitshipannannut atusseunnu anite neuait e tutakanit kashutshishimakak - apui, nanimissiu-ishkuteu, ka amassepanit ka tshishitet mak ka takat mak pishimu. Boralex tepenimu tshetshi amatshuepanitat ishpish nenu nishtuapatak atusseunnu mak mitshetuait eshi-katshitinak tshekuannu shash nishunnuepipuna ashu patetat. Eshi-ashtakanit shuniau kie ma tshipa ishi-mishkutunamatshenanu, Boralex ashtau ushuniam anite Shuniau ka ut pimipanit Toronto anite ut tshissinuatshitakana BLX kie BLX.DB.A tatipan e tshitapatakaniti. Anu ui tshissenitakaniti, tshe natshi-uapatakanit www.boralex.com kie ma www.sedar.com.

  3. RES eukuan ne peiku ka nikanitet anite ne e pitshitshipanitakanit atusseun kashutshishimakak eka nita ka ishkuapaniti ute Mishta-Tshiuetinit, Akamitshikamit mak anite Assi-Tshiuenussit. RES amatshuepanitapan kie/kie ma tshimatapan nuash 10 GW kashutshishimakannit eka nita ishkuapannit ute eshpitashkamikanit mak ishpish uenutishit anu 1 GW atusseuna mekuat pemipaniti. Anite pemipanitat atusseuna eukuana umenua tekuaki, atusseuna e pitshitshipanitakaniti mak e tshimakaniti nenua atusseuna e uitakaniti apuiat mak pishimu e uinakanit, atusseuakan tshetshi ut pimipanit, anite tshe mautakanit kashutshishimakak mak tshe ueuetashuapatet tshe ishpish apashtakanit. Ne atusseutshuap utineu 1000 kupanieshat  ashkanipipuna anite 14 assia e uitakaniti ute eshpitashkamikat. Uet pimipanit Munianit mak uet pimipanitakanit pakassiun Uepishtikueiat shash ut 2003, RES iapit uitshiaushiu mishue tshetshi tshitapatak tshe ishi-uapatakannit, tshe ishi-pitshitshipanitakannit mak tshe ishi-tshimatakannit nenua atusseuna kashutshishimakak eka nita ka ishkuapanit mishue ute Kanata-assit. Anu ui tshissenitakaniti ne e uitakanit RES, tshe natshi-uapatakanit anite ne atusseutshuap etashtet www.res-group.com

E takuashit e uauitakanit ne atusseun

  1. Eshi-takuak anite ne uiauitakanit

    Eshkushtet 200 MW manakaniht Innuat

  2. Ka uitshi-atussemitunanut

    Innuat tshika tipenitamuat 50% nenu atusseunnu kie Boralex/RES utinepan tshetshi nenu tutaminiti

  3. Anite tshe takuaki

    Port-Cartier mak TNO Muteshekau-shakaikan, anite MRC Sept-Rivières eshi-uitakanit

  4. MAMU ESHPISH SHUTSHISHIMAKAK

    200 MW

  5. Tshe itashiht apuiat

    Uiesh 48 nuash 57 apuiat

  6. TSHE ISHPISH TSHISHTAPANITAKANIT NE ATUSSEUN

    Nishuait  tshe ishi-tutakanit tshetshi ut minupanit pakassiun

  7. ESHI-UAPATAKANIT TSHETSHI TSHITSHIPANITAKANIT

    Nishuait eshi-tshitapatakanit 2018 mak 2020